FUTBOL
-----------------------
"Boussiya" (D) "Bavariya"nı haqlayıb keçdi

Almaniya Bundesliqasında baş tutan 33-cü tur sensasiya ilə bitib. Belə ki, mövsümün bitməsinə iki tur qalanadək yarış cədvəlinə inamla liderlik edən "Bavariya" klubu hesabat turunda gözlənilmədən doğma divarlar arasında "Leypsiq" klubuna 1:3 hesabla məğlub olub. Və bununla da çempion olmaq şansını demək olar ki, sual altına salıb. Hələ bu azmış kimi, digər tərəfdən də  "Bavariya"nın ən yaxın izləyicisi olan Dortmund "Borrusiya"sə səfərdə "Auqsburq"u böyük hesabla məğlub edib - 0:3. Bu qələbədən sonra dortmundlular liderliyi münhenlilərdən alıblar. Hazırda Bundesliqanın bitməsinə bir tur qalıb. "Borussiya" 70 xalla yarış cədvəlinin birinci, ondan iki xal geri qalan "Bavariya" isə ikinci pillədə yer alıb. Qeyd edək ki, son turda "Borussiya"  yarış cədvəlinin ortalarında yer alan "Maynts" klubunu qəbul edəcək. Ötən tur evdə uduzub həm liderliyini, həm də çempionluq şansını itirən "Bavariya "isə səfərdə "Köln" klubunun qonağı olacaq. Bundesliqanın son turunun bütün oyunları mayın 27-də saat 16630-da başlanacaq. "Borussiya2 qalib gələcəyi təqdirdə çempionluqu özünə təmin etmiş olacaq. 

Maraqlıdır ki, "Bavariya" çempionluğun bir addımlığında şansını əldən verməsinə baxmayaraq. klub rəhbərliyi baş məşqçi Tomas Tuxellə yolları ayırmaq niyyətində deyil. Xatırladaq ki, Tuxel baş məşqçi postunda Yulian Naqelsmannı əvəzlədikdən sonra "Bavariya" UEFA Çempionlar Liqası, ardından isə Almaniya Kuboku ilə vidalaşıb. İndisə ....

İNTİQAM Məmmədov