Samir Feyruzov:
Mahmud Məmmədov köhnə "oyunçu"lardandır
Bu gün bağlanan "Günay Bank"ın sahibi Mahmud Məmmədov vaxtilə ölkədə siyasi iddiası olan şəxslərdən biri kimi tanınırdı. O, Azərbaycanın prezidenti olmaq istəyirdi və hesab edirdi ki, biznesmendən yaxşı prezident ola bilər. M.Məmmədov 1994-cü ildə Azərbaycan Demokratik Sahibklarlar Partiyası adlı siyasi təşkilat da yaratmışdı. Qısa müddət sonra bu partiya qeydiyyata alınmışdı.
Hətta hazırda Bakı Şəhər İcra Hakimiyyətinin başçısı vəzifəsində işləyən Eldar Əzizov M.Məmmədovun birinci müavini idi. E.Əzizov Azərbaycan Demokratik Sahibklarlar Partiyası sədrinin birinci müavini vəzifəsini daşıyırdı. Bir müddət partiyada sədr əvəzi vəzifəsini yerinə yetirmişdi.
Bir müddət Əbülfəz Elçibəyi dəstəkləyən M.Məmmədov daha sonra Ayaz Mütəllibovun ətrafında fırlanmağa başlamışdı. Heydər Əliyevin hakimiyyətə gələcəyinin perspektivlərini görən M.Məmmədov məşhur "91-lər"lə ciddi ünsiyyət yaratmışdı. Müxtəlif şəxslər və kanallar vasitəsilə bütün gücünü ortaya qoyan M.Məmmədov Heydər Əliyevlə görüşə də nail olmuşdu. O çox ağıllı adamdır və başa düşürdü ki, əlində nə qədər pulu olsa da, zəngin idarəçilik təcrübəsinə malik olan Heydər Əliyevin qarşısında özünü rəqib kimi aparmaq ona heç bir perspektiv vəd etmir.
M.Məmmədov "Günay" qəzetini və BMTİ adlı televiziya da təsis etmişdi. Qısası, o, köhnə "oyunçu"lardandır.
M.Məmmədov bilirdi ki, sahibi olduğu "Günay Bank" bağlanacaq. Əslində bu bank çoxdan bağlanmalı idi, ölkənin ən qalmaqallı banklarından hesab olunan "Günay Bank" saysız-hesabsız hadisələr baş verib, insanların milyonlarla vəsaitləri mənimsəlilib, hətta irimiqyaslı həbslər həyata keçirilib.
Bankın bağlanacağını bilən M.Məmmədov bütün resurslarını işə salmışdı. Hətta bir neçə gün əvvəl - may ayının əvvəllərindən etibarən M.Məmmədov yerli media qurumlarına Heydər Əliyev haqqında məqalələr göndərir, müsahibələr də verirdi. Xeyli pul xərclədi, amma olmadı.
Görünür, adətkar olan M.Məmmədov növbəti dəfə hansısa qaydaları pozub, bəlkə də hansısa siyasi iddiası ortaya çıxıb.
Samir Feyruzov
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.