Konfrans iştirakçıları ilk öncə Ümummilli lider Heydər Əliyevin Naxçıvan şəhərində yerləşən abidəsini ziyarət edib, muzey ilə tanış olublar. Daha sonra muxtar respublikada fəaliyyət göstərən ali və orta ixtisas təhsili müəssisələrinin tələbə gənclər təşkilatlarının fəaliyyət və nailiyyətlərini əks etdirən sərgiyə baxış olub.

Konfransı giriş sözü ilə açan Naxçıvan Dövlət Universitetin rektoru Elbrus İsayev konfransın işinə uğurlar arzulayıb. Konfransda çıxış edənlər – Naxçıvan MR Gənclər Fondunun icraçı direktoru Cəbi Quliyev, Naxçıvan MR gənclər və idman naziri Ramil Hacı, Azərbaycan Tələbə Gənclər Təşkilatları İttifaqının sədri Pərviz Mirələmli ölkəmizdə aparılan uğurlu gənclər siyasətindən danışıblar. Daha sonra layihə rəhbəri Əziz Qasımov layihə haqqında məlumat verib. Açılış mərasimi bədii hissə ilə davam edib.

Konfrans iştirkaçıları üçün nahar təşkil olunub.

Nahardan sonra konfransın panel müzakirələrinə start verilib. “Hərbi vətənpərvərlik hissinin gənclərə aşılanmasında tələbə gənclər təşkilatlarının rolu və vəzifələri”, “Gənclər üçün elm, startap layihələri və innovativ inkişaf” və Tələbə Gənclər Təşkilatlarının gənclər siyasətinin təşkili və həyata keçirilməsində rolu” adlı panellərdə sahə üzrə mütəxəssislər çıxış edib, konfrans iştirakçılarının sualları cavablandırılıb.