HƏBİB MİSİROV: 

Şərqi Zəngəzur Regional Təhsil İdarəsinin Kəlbəcər rayon 18 saylı orta məktəbində bilik yarışı keçirildi

"Heydər Əliyev İli" çərçivəsində Şərqi Zəngəzur Regional Təhsil İdarəsinin Kəlbəcər rayon 18 saylı orta məktəbində Ulu öndər Heydər Əliyevin anadan olmasının 100-illiyi ilə əlaqədar olaraq bilik yarışı keçirildi.Tədbirdə YAP Veteranlar şurasının üzvü, əməkdar elm xadimi Şahlar Əsgərov, millət vəkli Aqil Məmmədov, Yeni Azərbaycan Partiyası Kəlbəcər rayon təşkilatının sədri Həbib Misirov, Şərqi Zəngəzur Regional Təhsil İdarəsinin məsləhətçisi Cəmilə Mirzəyeva, Kəlbəcər rayon Təhsil sektorunun əməkdaşı Xəqani Nadirov və digər qonaqlar iştirak etiblər. Azərbaycan xalqının Ümummilli Lideri Heydər Əliyevin və şəhidlərimizin əziz xatirəsi bir dəqiqəlik sükutla yad edilib. Daha sonra Ümummilli lider Heydər Əliyevin həyat və fəaliyyəindən bəhs edən videoçarx nümayiş olunub. Məktəbin direktoru Arzuman Qarayev qonaqları salamlayaraq bilidirdi ki, “Heydər Əliyev İli” ilə bağlı ölkə başçısının imzaladığı müvafiq Sərəncama uyğun bu il ölkəmizdə "Heydər Əliyev İli" elan olunubdur. Bu münasibətlə ölkəmizin hər yerində silsiləli tədbirlər təşkil edilir. Ümummilli Lideri Heydər Əliyevin anadan olmasının 100 illik yubileyinə həsr olunan intellektual bilik yarışında məktəbin 3 komandası Qarabağ, Zəngəzur və Dərələyiz komandaları mübarizə aparacaq. Yarışın təşkilində əsas məqsəd yeniyetmə və gənclərin Ümummilli Liderin həyat və fəaliyyəti, xalq və Vətən qarşısındakı xidmətləri barədə məlumatlılığını artırmaq, onların intellektual potensialını yüksəltməkdir. Profssor Şahlar Əsgərov. Millət vəklili Aqil Məmmədov, YAP Kəlbəcər rayon təşkilatının sədri Həbib Misirov, Şərqi Zəngəzur Regional Təhsil İdarəsinin nümayəndəsi Cəmilə və digərləri cıxış edərək ulu öndər Heydər Əliyevin keçdiyi böyük, şərəfli, zəngin və mənalı ömür yolundan, müqayisəsiz ictimai və siyasi fəaliyyətindən bəhs ediblər. Bildiriblər ki, Ulu öndər Heydər Əliyev bütün həyatını Azərbaycan xalqına həsr edib. Qədirbilən xalqımız da Ümummilli Liderimizin əziz xatirəsini daim uca tutur. Keçirilən bu bilik yarışmasının bütün həyatını xalqına, onun rifahına, çiçəklənməsi və dünya dövlətləri arasında nüfuzlu yer tutmasına həsr etmiş dahi və əvəzolunmaz şəxsiyyət, qüdrətli siyasi xadim,Ümumilli lider Heydər Əliyevin 100 illiyinə həsr edilməsinin çox təqdirəlayiq hal olduğunu qeyd etdilər. Bu bilik yarışması Azərbaycan xalqının ümummilli lideri Heydər Əliyevin həyat və fəaliyyətinin öyrənilməsi, Ulu Öndərin irsinin yaşadılması və gənclər arasında təbliği, eyni zamanda, gənc nəslin elmə, maarifləndirici yarışlara marağının artırılması məqsədini daşıyır. Məktəbin müəllimi Xalid Kazımov və Pərvin Firudinova Ulu öndərin məşhur kəlamlarını səsləndirdilər. Şagirdlər Ulu Öndərə həsr olunmuş ədəbi-bədii kompozisiya nümayiş etdirdilər. Sonda qalıb komandaları diplomlarla təltif etdilər. Birinci yer Zəngəzur, ikinci yer Qarabağ, üçünçü yer isə Dərələyəz komandaları elan edildi. Tədbir iştirakçıları komandaları təbrik edib bütün iştirakçılara uğurlarının davamlı olmasını arzuladılar.