Bir əsr öncə "Nemesis"

1920-ci ildə ABŞ-ın Boston şəhərində yerləşən erməni terror təşkilatı olan ARF Osmanlı və azərbaycanlıların yüksək rütbəli məmurlarına qarşı “Nemesis” adlanan qanunsuz əməliyyatlar başlatdı. Əməliyyat Aron Saçaklyan, Şahan Natali və Armen Qaro tərəfindən idarə olunurdu. Bu münasibətlə ermənilər İrəvanda "Nemesis" terror əməliyyatına həsr edilmiş abidə açıblar. Buna etiraz olaraq Türkiyə Xarici İşlər Nazirliyi bəyanat yayaraq, abidənin açılışını pisləyib: "Osmanlı vətəndaşlarına qarşı sui-qəsdləri törədənlərə həsr olunmuş “Nemesis abidəsi”nin açılmasını qətiyyətlə pisləyirik". İllərdir Türkiyə ilə quru sərhədinin (Alican) açılmasına səy göstərən Ermənistan höküməti qanunsuz abidənin açılışı ilə hər şeyi sıfırlamağa nail oldu. Bu təxribat iki ölkə arasındakı diplomatik münasibətlərə yetəri qədər mənfi təsir göstərəcək. Türkiyə ilə yanaşı Azərbaycan da abidənin açılışını pisləyən bəyanat yayıb. "Nemesis" terror əməliyyatı zamanı, Osmanlı dövlətinin rəsmi şəxsləri ilə yanaşı, Azərbaycanın keçmiş baş naziri Fətəli xan Xoyski, Azərbaycan parlamentinin keçmiş sədr müavini Həsən bəy Ağayev, Azərbaycanın keçmiş daxili işlər naziri Behbud xan Cavanşir, Azərbaycanın keçmiş Baş naziri Nəsib bəy Yusifbəyli qətlə yetiriliblər. Nemesidən tutmuş digər terror aktlarına kimi ermənilər yüzlərlərlə belə cinayətlər törədiblər. Təkcə 1920-ci illərdə yox, Xocalı soyqrımında ASALA, "Aramo", "Arabo" adlı terror qruplarının azərbaycanlılara qarşı törətdiyi cinayətlər bütün düynaya məlumdur. Tarix boyu radikal erməni birləşmələrinin törətdiyi təxribatlara son qoyulmalı və Beynəlxalq Ədalət Məhkəməsi qarşısında cavab verməlidir.

UMAY