Dünən Xorvatiyanın paytaxşı Zaqrebdə güləşin hər 3 növü üzrə dünya çempionatına start verilib. Azərbaycan yığmalarının da qatıldığı bu mundiala sərbəst güləşçilərin çıxışı ilə start verilib. İlk gündə çəkisi 57, 65, 70, 79 və 97 kq olan pəhləvanlar mübarizə aparıblar. Bu çəkilərdə isə ölkəmizi müvafiq olaraq, Əliabbas Rzazadə, Əli Rəhimzadə, 3 qat dünya və Avropa çempionu Hacı Əliyev, Səbuhi Əmiraslanov və Maqomedxan Maqomedov təmsil edib. Adı çəkilən güləşçilərimizdən üçü - Rzazadə, Əliyev və Maqomedov daha uğurla çıxış edərək finala yüksəlib. 

Qeyd edək ki, finala aparan yolda Xorsta Leranı (Almaniya) 10:5, yarımfinalda isə italiyalı Simone Piroddunu 1268 hesabla məğlub edən Rzazadə həlledici finalda türkiyəli Süleyman Atlı ilə qarşılaşacaq və onu atdan salmağa çalışacaq. 

İndiyədək 65 kq-da çıxış edən Hacı Əliyeə gəlincə, bu dəfə 70 kq çəki dərəcəsində özünü sınayan pəhləvanımız finala qədər 3 görüş keçirib. 1\8 finalda italiyalı Canluku Talamonu 12:1, 1\4 -də almaniyalı Kevin Xenkeli 4:0, yarımfinalda isə Vasile Dyakonu (Moldova) 4:1 hesabla udan Hacə finalda bolqarıstanlı Ramazan Ramazanovla qarşılaşacaq. 

Digər finalçımız - Маqomedxan Maqomedov da finala qədər 3 rəqibini məyus edib. Startda Bencamin Xonisi (İtaliya) 1262, ardından Samuel Şerreri (İsveçrə) 11:0, yarışfinalda isə macar güləşçi Vladislav Baytsayevi 6:0 hesabla udaraq finala qalxan güləşçimiz, çempionluq uğrunda son görüşünü Qavi Matçaraşviliyə (Gürcüstan) qarşı keçirəcək. 

Digər iki güləşçimiz - Səbuhi Əmiraslanovla Əli Rəhimzadə isə bu gün bürünc medal uğrunda mübarizə aparacaq.  

İNTİQAM Məmmədov