Festival Azərbaycan Respublikasının Prezidenti yanında Gənclər Fondunun maliyyə dəstəyi və Ağcabədi Regional Mədəniyyət İdarəsinin təşkilatçılığı ilə baş tutmuşdur. 

Qarabağ Muğam Mərkəzində keçirilən festivalın əsas məqsədi gənclərin yaradıcılıq bacarıqlarının üzə çıxarılmasına və artırılmasına yardımçı olmaq və bu sahədə onların inkişafına kömək etməkdir.

AZpress.AZ-ın bölgə müxbiri xəbər verir ki, festivalı layihə rəhbəri Fatimə Fərzəliyeva açıq elan edərək, layihə barədə ətraflı məlumat vermiş, seçim mərhələlərində qalib olan iştirakçıları təbrik etmişdir.

Gənclər üçün Təhsil Mərkəzi Qarabağ Regional Ofisinin rəhbəri Radə Qafarova, Üzeyir Hacıbəyli adına şəhər İncəsənət məktəbinin direktoru Günel Kərimova, Hacıbədəlli kənd Uşaq Musiqi məktəbinin direktoru Məhbubə Əliyeva və Ağcabədi şəhər 5 saylı tam orta məktəbinin direktoru Fəridə Allahverdiyeva da çıxış edərək layihənin əhəmiyyətini vurğulamış, gəncləri fərdi qrant layihələrində iştirak etmək üçün aktiv olmağa çağırmışlar. 

Festival çərçivəsində yaradıcı gənclərin rəsm əsərlərinə baxış keçirilmiş, musiqilər səsləndirilmiş, milli rəqslər nümayiş etdirilmişdir . 

Festivalın sonunda rəsm mərhələsi üzrə 1-ci yerin qalibi Üzeyir Hacıbəyli adına Uşaq İncəsənət Məktəbinin şagirdi Xədicə Abbasova, 2-ci yerin qalibi Ağcabədi Dövlət Rəsm Qaleriyyasının üzvü Məryəm Novruzova, 3-cü yerin qalibi 1 saylı tam orta məktəbin şagirdi Cahan Sadıqova, rəqs üzrə 1-ci yerin qalibi Üzeyir Hacıbəyli adına Uşaq İncəsənət Məktəbinin “Qarabağ”rəqs qrupu, 2-ci yerin qalibi Heydər Əliyev Mərkəzinin rəqs dərnəyinin “Lalələr” rəqs qrupu, 3- cü yerin qalibi Hacıbədəlli kənd Uşaq Musiqi məktəbinin “Bayatı-folklor” qrupu, İfaçılıq üzrə1-ci yerin qalibi Üzeyir Hacıbəyli adına Qarabağ Muğam Mərkəzinin şagirdi Əflatun Hacıyev, 2-ci yerin qalibi Üzeyir Hacıbəyli adına Qarabağ Muğam Mərkəzinin şagirdi Aylin İbrahimova, 3-cü yerin qalibi Azərbaycan Milli Konservatoriyası nəzdində Asəf Zeynallı adına Musiqi kollecinin tələbəsi Mirhəsən Həsənova diplomlar və hədiyyələr təqdim olunmuşdur.