Rüstəm İsmayılov:

FRANKFURT DİSCOVERY Art  Fair 2023- müasir incəsənət sərgisi

Bu il noyabr ayının ilk həftəsində Almaniyanın Frankfurt şəhərində ənənəvi keçirilən FRANKFURT DİSCOVERY Art  Fair 2023 - də Azərbaycanı təmsil edən rəssamlar, Fərid İsmayılov, Kənan Əliyev və Namiq Hüseynov olmuşdur. Almaniyada yaşayan həmyerlimiz Fərid İsmayılovun rəhbərlik etdiyi "Qallery İsmayılov"  qalareyasının təşkilatçılığı ilə sərgiyə Azərbaycandan, heykəltəraşlar Kənan Əliyev və Namiq Hüseynov qatılmışdır. Sərgidə dünyanın bir çox tanınmış rəssam və heykəltəraşları iştirak edib. Bu il may  ayından başalayan, dünya üzrə seçimlərdə 1000 nəfərdən çox rəssamın qatıldığı müsabiqədən münsiflərlər heyyətinin seçdiyi 116 rəssam içərisində yer almaq çox gözəl bir hadisə idi. Namiq Hüseynov "Qarabağ atı",  "Şərq nağılı", və "Güzgülü qız" bronza heykəlləri ilə, Kənan Əliyev  " Xəlvəti gecə", Hamilə qadın",  "Skiripkaçı qız" və "Mələk" bronza əsərləri ilə, Fərid İsmayılov isə "Zamanda Səyahət" triptix, kətan yağlı boya, " Vətəndən meyvələr" kətan yağlı boya, "Afrika təəssüratları", silsilə portretlər, Milli miniatüralar" silsilə portretlər, kətan yağlı boya, "Cəngəllikdə portret"  Nonanın portreti" yağlı boya ilə çəkilmiş əsərləri ilə iştirak etmişdir. Qeyd etmək istəyirəm ki Fərid İsmayılov Azərbaycan Dövlət Rəssamlıq Akademiyasında və Bonn İncəsənət akademiyasında Prof.Dr.  Ulrika Eller Ruterin emalatxanasında təhsil alıb, bir çox yerli və beynəlxalq sərgilərin iştirakçısıdı. 2013 cü ildən Almaniyada yaşayır. Kənan Əliyev Azərbaycan Dövlət Rəssamlıq Akademiyasında Xalq rəssamı akademik, Ömər Eldarovun və Tokay Məmmədovun emalatxanasında təhsil alıb. Azərbaycan Dövlət Rəssamlıq Akademiyasında dərs deyir. 58 Venesiya Bieannalisinin və bir çox beynəlxalq və yerli sərgilərin iştirakçısıdı. Namiq Hüseynov Azərbaycan Dövlət Rəssamlıq Akademiyasında Xalq rəssamı akademik Ömər Eldarov və Tokay Məmmədovun emalatxanasında təhsil alıb. Azərbaycan Rəssamlar İttifaqının üzvü və bir çox beynəlxalq və respublika sərgilərinin iştirakçısı.