Şöhrət Elçin oğlu Məmmədov 1 iyul 1995 - ci ildə Qazax rayonunun Fərəhli kəndində anadan olmuşdur. O, 2001-2009 - cu illərdə K.Kərimov adına orta məktəbdə təhsil almışdır. 2009 - cu ildə Qazax rayon S.Vurğun adına 2 saylı orta məktəbdə təhsilini davam etdirmişdir.

Orta məktəbdə təhsil aldığı illərdə idmanla da məşğul olmuşdur. Bir sıra yarışların qalibidir.

2012 - 2016 -cı illərdə Azərbaycan Respublikası DSX - nın Hərbi Akademiyasında təhsil almışdır. 2016 - cı ildə Hərbi Akademiyadan leytenant rütbəsi ilə məzun olmuşdur və bu rütbə ilə də hərbi sahədə xidmətlərini davam etdirmişdir. Hərbi sahədə çalışdığı müddətdə eyni zamanda sözləri və musiqisi özünə məxsus olan mahnılar yazmış, ifa etmək üçün bir neçə müğənniyə təqdim etmişdir. Musiqiyə olan böyük marağı leytenant Şöhrət Məmmədovu 2019 -cu ildə  DSX-nın hərbi  sıralarından ayrılmaq qərarına gətirir və bununla da hərbi sahədə xidmətini dayandırır. Onu da qeyd edək ki, Şöhrət Məmmədov  2-ci Qarabağ müharibəsində də  iştirak etmişdir.
Uşaq yaşlarından musiqini çox sevən Şöhrət Məmmədov heç bir musiqi təhsili almamışdır. Hal-hazırda müğənniliklə bərabər yaxşı musiqi təhsili də alan sənətkar 10 -a yaxın musiqi alətində ifa etmək bacarığına malikdir.

Musiqi sərhəd tanımır. Şöhrət Məmmədovun mahnılarını ifa etmək üçün müğənnilər dünyanın bir çox ölkələrindən  sənətkara müraciət edirlər.
Ehtiyatda olan zabit Şöhrət Məmmədov təkcə müğənni deyil,  o, həm şair, həm də bəstəkardır. Mahnılarının sözləri və musiqisi özünə məxsus olan sənətkarın milyonlarla izləyicisi var.

Azərbaycanın Qərb bölgəsi sayılan, qədim Qazax mahalında, Göyəzən dağının qoynunda yerləşən Fərəhli kəndinin fəxri, Azərbaycanın vətənpərvər övladı Şöhrət Məmmədov! Torpaq sənətkarlar yetişdirir .

2 fevral Gənclər Günü münasibətilə leytenant, eyni zamanda şair, bəstəkar və müğənni,   bir sözlə sənətkar Şöhrət Məmmədovun simasında bütün Azərbaycan gənclərini təbrik edir, onlara yaradıcılıq uğurları və  xoşbəxt həyat arzulayırıq.

Şöhrət Məmmədovun şair qələmindən bir şeir:
Neyləyəcək ?!

Rəngim solub, ağappağam.
Şükür Allaha, hələ sağam.
Başı tufan görmüş dağam,
Külək mənə neyləyəcək ?!

Allah mənə bu dünyada
Onsuz cəhənnəm yaşadır.
Min huri dönsün başıma,
Mələk mənə neyləyəcək ?!

Duyulmayan bir sorağam.
Mən hey qayğıdan qırağam.
Mən eşqə ac bir uşağam.
Çörək mənə neyləyəcək ?!

Nəhəng bir göydələnmişəm.
Mən nə dərdə bələnmişəm.
Nə çox dözüb ələnmişəm.
Ələk mənə neyləyəcək ?!

Söz - söhbəti bitirmişəm.
Daha yaşımı ötürmüşəm.
İtirdiyimi , itirmişəm.
Kələk mənə neyləyəcək ?!

Gözümün altı qaralıb.
Rəngim solub , diş saralıb.
Bircə sağlam ürək qalıb.
Ürək mənə neyləyəcək ?!

Elnarə Musayeva