V Beynəlxalq “World Harmony” gənc ifaçıların müsabiqəsi keçirildi

2023-cü il 16-18 oktyabr tarixlərində Litvanın Vilnüs şəhərində V Beynəlxalq “World Harmony” gənc ifaçıların müsabiqəsi keçirildi.

Üç gün davam edən müsabiqədə respublikamızın və dünyanın müxtəlif ölkələrindən ifaçılar iştirak etdilər. 

Üzeyir Hacıbəyli adına Bakı Musiqi Akademiyasının tələbələri müsabiqədə uğurla çıxış etdilər. Belə ki, Nəriman Məsimov Gran Pri (fortepiano 4-cü kurs), İlqarə Talıbova  l yer (fortepiano 4-cü kurs), Fidan Muxtarova və Nurel Kərimova ll yer (fortepiano 2-ci kurs), Fatimə Hacizadə lll yerə layiq görüldülər (fortepiano 4-cü kurs) və Əli Vəliyəv (Bülbül adına orta ixtisas məktəbinin şagirdi) Gran pri mükafatını qazandılar.

Qeyd edək ki, müsabiqənin münsiflər heyətinin üzvü Ü.Hacıbəyli adına Bakı Musiqi Akademiyasının “Tədris işləri üzrə” prorektoru, Əməkdar müəllim, professor Nərminə Quliyeva idi. Məhz onun yüksək peşəkarlıqla apardığı iş fəaliyyətinin nəticəsi olaraq Azərbaycanın gənc musiqiçiləri ölkəmizə uğur qazandırdılar. 

Müsabiqənin sonuncu günü Qala konsertdə N.Quliyevanın tələbəsi Nəriman Məsimov Tofiq Quliyevin “Qaytağı” əsərini yüksək peşəkarlıqla ifa etdi. 

Sonra Azərbaycan Respublikasının Litvadakı səlahiyyətli səfiri cənab  Tamerlan Quliyev gənc musiqiçilər ilə görüş keçirdərək, müsabiqə ilə yaxından maraqlandığını və istedadlı gənclərə hər zaman dəstək olduğunu vurğuladı.