Rüstəm İsmayılbəyli: 

Pişikləri öldürənlər cəzasız qala bilməz

Bakıda 2 gün əvvəl bir adam girib qohumunun evinə, 9 pişiyi bağlayıb, suda boğub. Səhv etmirəmsə, 1 pişik xilas edilə bilib, digərləri isə ölüblər.

Artıq 2 gündür ki, DİN n dəfə tag edilib, 102-yə n qədər zəng edilib, amma dövlətin heç bir qurumundan bir dənə normal reaksiya yoxdur.

9 ev pişiyini, özü üçün yaşamağa çalışan yazıq canlıları bağlayıb, suda boğa biləcək qədər caniləşmiş bir insanın sevmədiyi, ən azından bir pişik kimi "günahsız" görmədiyi insana nələr edə biləcəyini düşünün.

Bu adam hazırda Bakıda sərbəst şəkildə gəzir, heç kim onu bu hərəkətinə görə cəzalandırmır.

Bu adama nəsə edilməlidir. Belə vəhşi bir davranış cəzasız, tədbirsiz qala bilməz.

Deyirlər ki, pişik öldürməyin cinayət məcəlləsində yeri yoxdur.

Çox bəsit bir nümunə verim. Həyətində inək, qoyun saxlayan adamın 9 qoyununu öldürsəniz, nə olar? Adamın mülkünə qəsdən ziyan verməyə görə iş başladılmaz? Lap bu dövlət iti, pişiyi qorumaq iradəsinə sahib deyil, amma ən azından onu insanın bir mülkü kimi qoruya bilməlidir.

Bu adam cəmiyyətdən təcrid edilməlidir.

P.S. Bəzi dostlar bu adamın adının Əliyev Elşad Sahib oğlu olduğunu yazır, şəklini də qoyurlar. Yoxlamaq imkanım olmadığından, şəklini paylaşmıram.

SÖZARDI. Dəyərli dostlar! Postu oxuyub əsəbiləşsəz, qəzəblənsəniz də, hirs, qəzəb işarələri qoymayın, pls. Qəzəbiniz mənə deyil ki? Qəzəbiniz zülm edənlərə, dəstək olanlara, cinayət törədənlərə, bizi susdurmaq istəyənlərə, yalan danışanlaradırsa, posta dəstək verin. Qəzəb işarələri yazılanın ziyanınadır.