Yeni iPhone 15 nə vaxt satışa çıxacaq?

Yeni Apple iPhone 15, çox güman ki, sentyabrın 13-də təqdim olunacaq. 9to5mac portalı Amerika telekommunikasiya operatorlarının qarşıdan gələn yeni smartfon anonsu ilə əlaqədar sentyabrın 13-də öz işçilərini məzuniyyətə çıxmamağa çağırdıqları barədə məlumat əsasında belə qənaətə gəlib.

AZpress.AZ xəbər verir ki, əgər Apple həqiqətən yeni iPhone 15-i sentyabrın 13-də təqdim edərsə, o zaman bu smartfonlar üçün ilkin sifarişlər hələ cümə günü, sentyabrın 15-də qəbul edilməyə başlayacaq və rəsmi satışlar bir həftə sonra, sentyabrın 22-də başlayacaq.

Keçən il iPhone 14-ün anonsu sentyabrın 7-də baş tutdu, ilkin sifarişlər iki gün sonra, mağaza satışları isə sentyabrın 16-da başladı.

Bəzi məlumatlara görə, iPhone 15 Pro artan tələbat obyektinə çevrilə bilər ki, bu da öz növbəsində satışın başlanmasının ləngiməsinə səbəb ola bilər. Keçən il tədarük problemlərinə görə iPhone 14 Plus-ın təqdimatı digər versiyalardan demək olar ki, bir ay gec təxirə salındı. Eyni vəziyyət 2020-ci ildə baş verdi və iPhone 12 Pro Max və 12 mini-nin satışa çıxarılmasına təsir etdi.

iPhone 15-in pərəstişkarlarını ekran ətrafında bir az əyilmiş kənarları və daha incə çərçivələri olan yeni dizaynı ilə təəccübləndirəcəyi gözlənilir. Xəttdəki bütün modellər yenilənmiş Face ID kəsimi və Dynamic Island kamerası alacaq, Lightning konnektoru isə öz yerini USB-C portuna verəcək və bu, smartfondan istifadəni daha da rahatlaşdıracaq. Digər tərəfdən, seriyanın smartfonları ötən ilki cihazlarla müqayisədə bahalaşa bilər. Belə ki, iPhone 15 Pro iPhone 14 Pro-dan 100 dollar, iPhone 15 Pro Max isə iPhone 14 Pro Max-dan 100-200 dollar baha olacaq.

Bu baxımdan, bəzi digər amilləri də nəzərə alaraq, bəzi ekspertlər hesab edirlər ki, seriyadakı smartfonlara tələbat çox təvazökar, hətta keçənilki iPhone 14-dən də aşağı olacaq.