“Qadınlara qarşı zorakılıq ailəni və ailə dəyərlərini sarsıdır”

layihəsi üzrə regional təlimlər davam etdirilir
                                                                                                      

Beynəlxalq Hüquq Assosiasiyası İctimai Birliyi, Demokratik İslahatlar və Hüquq İctimai Birliyi, Azərbaycan Maarifçi Gənclər Təşkilatı İctimai Birliyi, Turizmin İnkişafına Kömək İctimai Birliyindən ibarət koalisiya Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Qadınlara qarşı zorakılıq ailəni və ailə dəyərlərini sarsıdır” layihəsi üzrə növbəti regional təlim  18 iyul 2023-cü il tarixdə Tovuz  rayonunda keçirilmişdir. 
Təlimə Tovuz rayonu  Təcili Yardım Stansiyasının, Tovuz şəhər Qərənfil uşaq baxçasının əməkdaşları,  Tovuz şəhərindən, Tovuz rayonu Bozalqanlı, Abulbəyli, Aşağı Quşçu, Yuxarı Öysüzlü, Qazqulu kəndlərindən və Qovlar qəsəbəsindən iştirakçılar dəvət olunmuşdur. Təlimə daha çox məişət zorakılığı hallarında yardım göstərən təcili yardım xidmətindən, məişət zorakılığı  ilə qarşılaşan və ya belə risk altında olan müxtəlif cinsə məxsus olan şəxslər dəvət olunmuşdular.
Təlimdə məişət zorakılığı hallarının ailəyə, cəmiyyətə vurduğu ziyan, məişət zorakılığı hallarının yaxın və uzaq nəticələri, məişət zirakılığının nəticələrinin aradan qaldırılmasının onun qarşısının alınmasından daha çətin olması, dövlət orqanlarının məişət zorakılığı ilə mübarizədə imkanları, məişət zorakılığı ilə mübarizə sahəsində qanunvericilik kimi məsələlər iştirakçıların diqqətinə çatdırılmış və lazımı biliklər verilmişdir.  Qadınlara qarşı məişət zorakılığı hallarının gizlədilməsinin  daha ağır nəticələrə gətirməsi, qadınlara qarşı məişət zorakılığının aradan qaldırılmasını çətinləşdirməsi izah edilmişdir. İştirakçıları maraqlandıran  valideynlərin aliment hüququ, uşağın saxlanılmasında iştirakdan imtina edilməsi, erkən nikahlar, qadınların boşanmaqdan çəkinməsi üçün təqib edilməsi,  cinsi qısnama kimi məişət zorakılığı formaları izah edilmişdir. Təlim zamanı iştirakçıların suallarına cavab verilmiş, müzakirələr aparılmışdır.  İştirakçılara müraciət və məişət zorakılığının qurbanı olan qadınlar və qızların müdafiəsi ilə bağlı konfidensiallıq prosedurları geniş izah edilmişdir.  Sonda təlim iştirakçıların məişət zorakılığı hallarınıın müəyyən edilməsi, qarşısının alınması, konkret müraciət ünvanları,  zorakılıq halında necə hərəkət edilməsi və s. barədə zəruri məlumatlar olan “Qadınlara qarşı zorakılıq ailəni və ailə dəyərlərini sarsıdır” adlı kitabça  və bukletlər paylanılmışdır. Təlimin iştirakçılarına xırda hədiyyələr şarflar və yaylıqlar paylanılmış, müzakirələr çay süfrəsi arxasında davam etdirilmişdir. Təlimin sonunda  iştirakçıların konfidensial müraciətləri üzrə məsləhətlər verilmişdir. 

Layihənin rəhbəri  Mərhəmət Əsgərova