“Qadınlara qarşı zorakılıq ailəni və ailə dəyərlərini sarsıdır”

layihəsi üzrə regional təlimlər davam etdirilir

Beynəlxalq Hüquq Assosiasiyası İctimai Birliyi, Demokratik İslahatlar və Hüquq İctimai Birliyi, Azərbaycan Maarifçi Gənclər Təşkilatı İctimai Birliyi, Turizmin İnkişafına Kömək İctimai Birliyindən ibarət koalisiya Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Qadınlara qarşı zorakılıq ailəni və ailə dəyərlərini sarsıdır” layihəsi üzrə növbəti regional təlim  17 iyul 2023-cü il tarixdə Tovuz  rayonunda keçirilmişdir. 
Təlimə Tovuz rayon xəstəxanasından, Tovuz Turan Futbol klubundan, Aşağı Quşçu, Hunnanlar, Çeşməli, Xatınlı, Abulbəyli, Yuxarı Öysüzlü, Aşağı Öysüzlü, Bozalqanlı, Çatax, Alakol, Xatınlı, Bayramlı, Əli Mərdanlı kəndlərindən, Tovuz şəhərindən iştirakçılar dəvət olunmuşdur. Təlimə müxtəlif yaş qrupuna daxil olan məişət zorakılığının qurbanları ilə işləyən mütəxəssislər, risq qrupuna daxil olan şəxslər, şəhid ailələrinin nümayəndələri dəvət olunmuşdur.
Təlimdə məişət zorakılğının ailənin təməlini sarsıtması, uşaqların gələcək  fiziki və psixoloji inkişafına mənfi təsir göstərməsi, son dövrlərdə geniş yayımış erkən nikahlar, məcburi nişanlanmalar, qız uşaqlarının məktəbə getməyə qoyulmaması, ərə verməyə hazırlanması, erkən nikahların hansı məişət zorakılığı doğurması, qadınlara və uşaqlara qarşı iqtisadi zorakılıq, zorakılığın səbəblərinin iqtisadi amillərlə və dini müddəalarla  bağlı olmaması, ailənin ehtiyaclarına etinasızlıq, məişət zorakılığının qurbanı olan qadınların müdafiə edilməsində dövlət orqanlarının rolu, qurbanlarla bağlı prosedurların konfidensiallığı kimi məsələlər izah edilmişdir. Təlimdə iştirakçılar cəmiyyətdə məişət zorakılığı hallarının səbəbləri və onların aradan qaldırılması ilə bağlı fikirlərini bildirmiş və müzakirələr aparımışdır. Təlimin iştirakçılarına  qadınlara qarşı məişət zorakılığının səbəblərini, bu səbəblərlə bağlı ayrı-ayrı cəmiyyətdə kök salmış fikirlərin əsassız olmasını, məişət zorakılığı ilə mübarizə məsələlərini  və s.-ni əhatə edən “Qadınlara qarşı zorakılıq ailəni və ailə dəyərlərini sarsıdır” adlı kitabça  və bukletlər paylanılmışdır. Təlimin iştirakçıların xırda hədiyyələr şarflar və yaylıqlar paylanılmış, müzakirələr çay süfrəsi arxasında davam etdiriilmişdir. Təlimin sonunda  iştirakçıların konfidensial müraciətləri üzrə məsləhətlər verilmişdir. 

Layihənin rəhbəri  Mərhəmət Əsgərova