Beynəlxalq Hüquq Assosiasiyası İctimai Birliyi

Tovuz rayonunda regional təlimləri davam etdirir.

Beynəlxalq Hüquq Assosiasiyası İctimai Birliyi, Demokratik İslahatlar və Hüquq İctimai Birliyi, Azərbaycan Maarifçi Gənclər Təşkilatı İctimai Birliyi, Turizmin İnkişafına Kömək İctimai Birliyindən ibarət koalisiya Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə yardımı ilə “Qadınlara qarşı zorakılıq ailəni və ailə dəyərlərini sarsıdır” layihəsi üzrə növbəti regional təlimi  13 iyul 2023-cü il tarixdə Tovuz  rayonunda keçirmişdir. Təlimə Tovuz rayonu Bozalqanlı, Abulbəyli kəndlərindən iştirakçılar, Tovuz rayonu Nizamı adına Mədəniyyət Mərkəzinin, Tovuz rayon Mərkəzləşdirilmiş Kitabxana Sisteminin, Tovuz Rayon Gigiyena və Epidemiologiya Mərkəzinin, Tovuz rayon Mədəniyyət Mərkəzinin, Tovuz rayonu Heydər Əliyev Mərkəzinin nümayəndələri dəvət olunmuşdur.  
Təlimdə qadınlara qarşı məişət zorakılığının səbəbləri, məişət zorakılığı ilə bağlı miflər və onların düzgün olmaması, məişət zorakılığının fiziki zorakılıq, iqtisadi zorakılıq, psixoloji zorakılıq, erkən nikahlar, qeydə alınmayan nikahlar, dini nikahlar, zorakılıq hallarının gizlədilməsi və onların səbəbləri, məişət zorakılığı hallarının gizlədilməsinin daha ağır nəticələrə səbəb olması,  zorakılıq hallarında məlumatlar verilməsinin vacibliyi, zorakılığın qurbanı olan şəxslərin müdafiəsi ilə bağlı dövlət orqanlarının imkanları, qurban olan şəxslərin müdafiəsinin konfidensiallığı, məişət zorakılığının ailənin əsaslarına təsir etməsi, sarsıtması, ailənin dağılmasına səbəb olması , zorakılıq hallarında müraciət ünvanları, müraciətlərin və onlara baxılmasının konfidensiallığı barədə müzakirələr aparılmış və bu sahədə biliklər verilmişdir. Təlimin iştirakçılarına  qadınlara qarşı zorakılıq hallarının müəyyən edilməsi, əlamətləri, müraciət ünvanları, t.qsirkar şəxslərin məsuliyyəti, qurbanların müdafiəsi və digər məsələləri əhatə edən “Qadınlara qarşı zorakılıq ailəni və ailə dəyərlərini sarsıdır” adlı kitabça  və bukletlər paylanılmışdır. Təlimin iştirakçıların xırda hədiyyələr qismində şarflar və yaylıqlar paylanılmış, müzakirələr çay süfrəsi arxasında davam etdirilmiş, konfidensial müraciətlərə baxılmışdır. 

Layihənin rəhbəri  Mərhəmət Əsgərova