MUSİQİÇİLƏRİMİZDƏN “OBLİVİON”a YENİ NƏFƏS

Bir neçə gün öncə musiqiçilərimiz violin ifaçısı Canel Nəcəfli və pianoçu Alireza Jam Farsadi yeni ideyaları ilə Astor Piazzollanın məşhur əsərlərindən biri olan “Oblivion”u yeni formatda təqdim etdilər. Əsərlərin seçimi, bir əsərdən digərinə keçidlərin improvizasiya edilməsi ideyası violin ifaçısı Canel Nəcəfliyə məxsusdur. Əsərlər tanınmış Argentina bəstəkarı Astor Piazzollanın “Oblivion” və “Xaç atası” filminin saund-treki də qatılmaqla səsləndirilmişdir. Bu dəfə Canelin duet ortağı istedadlı piano ifaçısı Alireza Jam Farsadi oldu. Videomaterialın hazırlanması və montajı da Alirezaya məxsusdur. Videoçəkiliş M.Maqomayev adına Azərbaycan Dövlət Akademik Filarmoniyasının Kamera və Orqan Musiqisi Zalında keçirilmişdir. Qeyd edək ki, Canel Nəcəfli İlham qızı 2002-ci il 24 mart tarixində Bakı şəhərində anadan olmuşdur. 2008-ci ildə Bülbül adına OİMM-nin 1-ci sinfinə (violin ixtisası üzrə) daxil olmuşdur. 2019-cu ildə Belçikada əldə etdiyi diploma görə BMA-ya müsabiqədənkənar (imtahansız) daxil olmuşdur.

İştirak etdiyi müsabiqə və festivallar:
Bir çox Beynəlxalq və Respublika müsabiqələr laureatıdır. 2020-ci ildə əldə etdiyi nailiyyətlərə görə Çexiyada musiqi sahəsində “İlin adamı” seçilmiş və “Orfeus” mükafatına layiq görülmüşdür. Çexiyada Plzen şəhərində ilk dəfə idi ki, xarici tələbənin təqdimatı verilmişdi və ilk dəfə idi xarici tələbə bu mükafata layiq görülürdü. 2023-cü ilin fevralında Gənclər günündə Azərbaycan Respublikası Gənclər və İdman Nazirliyi tərəfindən “İlin Gənci - 2023” adına layıq görülmüşdür. Alireza Jam Farsadi isə 2000-ci il aprelin 3-də İranın Təbriz şəhərin də anadan olub. Səkkiz yaşında pianoda təhsil almağa başlayıb. 2010-cu ildə ailəsi ilə Bakıya köçüblər. O, burada T.Quliyev adına 12 sayılı musiqi məktəbinə daxıl olub. 2017-ci ildə Dubayda keçirilən beynəlxalq ArtKelen müsabiqəsində birinci yeri qazandı. 2019-cu ildə Azərbaycan Dövlət Mədəniyyət və İncəsənət Universitetinə daxil olmuşdur. 2019-cu ildə Legends of Autumn İnternational Art Contest və Ümumilli Lider Heydər Əliyevin xatirəsinə ikinci elmi-ifaçılıq konfransında birinci yeri qazanmışdır.
 

Mükafatları:
2017-ci il "International festival competition of arts kelen east vision 2017" 1 dərəcəli laureatı,
2019-cu il Azərbaycanın "Legends of autumn international art contest" 1 dərəcəli laureatı,
2019-cu il "Ümumilli Lider Heydər Əliyevin xatirısinə II Elmi-İfaçılıq konfransi"nın qalibi,
2020-cu il "Ümid 2020" festivalının qalibi.

AZpress.AZ,Minə Türksoy