Türkiyəyə yardım edən Sərvərin maşınının maketi hazırlandı 

Karabükdə yaşayan meşə idarə rəisi Ferhat Karapınar azərbaycanlı Sərvər Bəşirlinin yardım materialları ilə doldurduğu köhnə avtomobilini Kahramanmaraşdakı zəlzələlərdən sonra diorama (üç ölçülü boyama, modelləşdirmə) texnikası ilə canlandırıb.

Safranbolu Meşə Təsərrüfatı Müdirliyində çalışan 42 yaşlı Karapınar 5 il əvvəl diorama texnikası ilə tullantı materiallarından istifadə edərək müxtəlif fiqurlar düzəltməyə başlayıb.

Köhnə qırmızı avtomobilindəki yardım materialları ilə Bakı küçələrində gəzərkən fotoları sosial şəbəkədə paylaşılan və milyonların ürəyinə taxt-tac düzəldən Beşirlinin təsiri altına düşən Karapınar o anı əbədiləşdirmək qərarına gəlib.

Karapınar uzun araşdırmalardan sonra Almaniyadan Bəşirlinin köhnə maşınının maketini alıb, yorğan-döşək və paltarla dolu çantaları səliqə ilə hazırlayıb.

O təxminən bir həftəlik iş nəticəsində yaratdığı maketi müdirliyin iş otağında sərgiləyir. Karapınar gələcəkdə qurmağı planlaşdırdığı muzeydə bu günə qədər etdiyi son maketi və 50-yə yaxın əsərini təqdim etmək istəyir. Ferhat Karapınar Anadolu Agentliyinə təxminən 5 il əvvəl kiçik əşyalarla diorama sənətinə başladığını və tullantılardan istifadə etdiyini söylədi.

Diorama sənətinin dünyada çox qədim olduğunu, ancaq Türkiyədə yeni-yeni canlandığını qeyd edən Karapınar, "Bu texnikada heç bir təhsilim yoxdur. Allahın verdiyi istedaddan başqa, bu sənətlə bağlı videolara baxaraq işlərimi edirəm. Əməyimi artırmaq və muzey yaratmağı qarşıma məqsəd qoyuram”deyib.

Əsərlərini görənlərin təəccübləndiyini və heyranlıqla izlədiyini bildirən Karapınar boş vaxtlarında işlərini gördüyünü qeyd edib.

Zəlzələlərdən sonra Türkiyəyə göndərmək üçün köhnə maşınına yüklədiyi əşyalarla şəkil çəkdirən azərbaycanlı Bəşirlidən təsirləndiyini və bu istiqamətdə çalışmaq qərarına gəldiyini vurğulayan Karapınar, “Biz iki dövlətik və Azərbaycanla bir millət" deyə vurğulayıb.