REY KƏRİMOĞLU: 

Ağdamı Laçın kimi öz yerində ev-ev tikmək lazım idi

Əslində köhnə Ağdamı Laçın kimi elə öz yerində ev-ev tikmək lazım idi. Və olardı da. Çünki bütün evlərin yeri məlum idi, bünövrəsi qalmışdı. Çoxunun isə hətta divarları da qalmışdı, bu gün də qalır. Ağdamlılar dedi, yazdı, amma eşidən olmadı. Yəni hər kəsin evini köhnə yurd yerində. Şəhərdəki dövlət idarələrini, iaşə obyektlırini, muzey və kitabxanaları da öz yerində bərpa etmək olardı. Təxminən 45-50 minlik köhnə şəhəri olduğu kimi tikmək olardı. Boş ərazidə isə 50 minlik yeni şəhər salmaq olardı. Yenə 100 minlik bir şəhər olardı. 50 mini müasir, 50 mini köhnə şəhər...Həm az xərc çəkilərdi, həm də insanlar yurduna daha tez dönərdi. Hələ də gec deyil!

P.S. Naşükürlük kimi başa düşülməsin yazdığım. Cənab prezidentimizin də daha müasir, daha gözəl Ağdam tikməyini də başa düşür və alqışlayıram. Amma, yuxarıda yazdığım kimi daha doğru, asan və ucuz olardı!

ŞƏRHLƏRDƏN:

El Sever:

Laçın dağ tirəsi üzərində yerləşir, Ağdam isə yarım düzənlik üzərində. Dağ tirəsi üzərində yaşayış məntəqəsi tikəndə relyef nəzərə alınır. Layihə relyefə uyğunlaşdırılır, düzənlik ərazilərdə isə əksinə. Mən inanıram ki, gözəl Qarabağımız daha da gözəlləşəcək.

Зохраб Исмаил:

Yenidən tikmək daha ucuz başa gələcək, amma eyni zamanda “pullu işdir”… Öz aramızdı, ağdamlılar da xüsusi bir şey demədi. 3-5 nəfər hardasa nəsə deyə bilər, amma icma olaraq nəsə demək və eşidilmək üçün seçmək və təmsilçilik lazımdır.

Ilqar Atakishiyev:

Bu barədə dəfələrlə burda yazmışam, qayıdışla bağlı zəng edənlərə öz iradımı və tövsiyyələrimi vermişəm. Məs. Mənim kəndim olan Şahbulaqda meşə zolağı salacaqlar, bizi Tərnefitlə birləşdirəcəklər. Bu isə Şahbulaq sakinlərini çox narazı salıb. Demək olarki 5-6 % insanı çıxmaqla hamı plandan narazıdır. Hamı öz kəndini, öz məhləsini istəyir. Yox fəqi yox idisə niyə 30 il gözləyirdik ? Gedib Quzanlıdan, Qaradağlıdan və s. yerlərdən 5-6 sot torpaq alıb ev tikərdikdə. Demək öz evin öz məhlən dediyin VƏTƏNDİR. Vətənpərvərlik öz məhləndən , kəndindən başlayır ! Yoxsa başqa cür olsa, ora qayıdanlar vətənə dönmək kimi yox, bir ev aldıqları üçün qayıdacaqlar. Buda daimi yaşayış olmayacaq.