ELMAN Eldaroğlu:
Nə yaxşı ki, Azərbaycanın televiziya məkanında belə kriativ aparıcılar vardır…
Bir neçə gün öncə yeni çapdan çıxan "Oralar parti" kitabını oxucularına təqdim etdi. Dostları və eləcə də xeyli pərəstişkarları başına yığılıb imza günü keçirdilər. Bu gün isə ömrünün 62-ci təntənəsini- növbəti ad gününü İrlandiyada, yeni səyahət etdiyi 101-ci ölkədə keçirir...
Məğrur yerişi, şəhər uşaqlarına xas olan jestləri, baməzə atmacaları ilə daha möhtəşəm görünür. Zadəgansayağı geyim tərzi, kübarlığı, yüksək zövqü isə buna bir az da rəng qatır. Səyahətlə bağlı verilişlərə tamaşa etməyi xoşladığım üçün demək olar ki, "YouTube"də olan bütün çəkilişləri izləmişəm. "Мир наизнанку"da Dmitriy Kamarovun məcara dolu səhnələri, "Клуб путешествий"də Mixail Kojuxovun təqdimatları, "Travel Channel"də Entoni Burdenin daha çox mətbəx mədəniyyətindən danışması yaddaşımda dərin iz buraxıbsa da, onun verilişlərinə tamaşa edəndə xüsusi zövq alıram. Çünki ərsəyə gətirdiyi "Oralar" heç də dünyada tanınan səyahət verilişlərindən geri qalmır. Səfərdə olduğu yerləri müxtəlif prizmalardan tamaşaçıya təqdim edir. Bu da həmin yer haqqında tamaşaçıya ətraflı məlumat verir. Söhbət məşhur Oralar verilişinin aparıcısı Azər Qəribovdan gedir.
Deyir ki,- "Mamam içəri şəhərdə yaşayırdı, Neftçilər prospektindən daxil olanda soldaki tanınmış ikimərtəbəli evdə, indi altında restoran da var və papamla AZİ-də tanış olmuşdular, bir qrupda oxuyanda.
Bir birlərini sevdilər və papam deyir mamama ki, bəs elçilərim gələcək, mən dalana çıxan pencərənin altında duracam, əgər sizinkilər "həri”-ni verib şirin çay gətirsələr masaya, sən mənə dərhal işarə ver, nastolnı lampanı iki dəfə söndür-yandır. Yox əgər verməsələr, onda söndür və yandırma, bilim ki, həyatım zülmətə döndü. Uzun sözün qısası, elçilər gəlir, papam aşağıda həyacanla gözləyir, şirin çay verilir və mama sevincək qaçır otağına ki, şad xəbəri bölüşsün. Nastolnının knopkasını basır, işıq sönür və knopka ilişib qalır içində. Vaxsey, papam görür ki, işıq söndü yanmadı, ürəyini tutur, dərd alır onu, mama isə otağında lampa ilə vuruşur, o da dilxor, iki ürək çırpınır, şad xəbər papama yalnız elçilər çölə çıxandan sonra çatır"…
Çox məzəli insandır. Yumor hissi güclü, xaraktercə şən adam olduğundan bütün söhbətləri dodaq qaçırır, üzə təbəssüm gətirir. Bu onun həm də daxili dünyasının zənginliyindən xəbər verir. Nə isə, çox danışıb vaxtınızı almaq istəmirəm. Azər Qəribov sözün əsl mənasında istedadlı, bacarıqlı olmaqla yanaşı, özünü və ərsəyə gətirdiyi verilişi tamaşaçılara sevdirməyi bacarır. Nə yaxşı ki, Azərbaycanın televiziya məkanında belə kriativ aparıcılar vardır…
Onu ad günü münasibətilə təbrik edir, möhkəm cansağlığı, yaradıcılıq uğurları arzulayıram.
Yeni yaşınız, elə kitabınız da mübarək!
Elman Eldaroğlu
03 Comments
High Life tempor retro Truffaut. Tofu mixtape twee, assumenda quinoa flexitarian aesthetic artisan vinyl pug. Chambray et Carles Thundercats cardigan actually, magna bicycle rights.
Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.
VHS Wes Anderson Banksy food truck vero. Farm-to-table selfies labore, leggings cupidatat sunt taxidermy umami fanny pack typewriter hoodie art party voluptate cardigan banjo.