DTX  Ermənistan xüsusi xidmət orqanlarının iki “agentinin” saxlanıldığını açıqlayıb

Azərbaycan Dövlət Təhlükəsizliyi Xidməti Ermənistan xüsusi xidmət orqanlarının göstərişi ilə kəşfiyyat və təxribat fəaliyyəti həyata keçirdikləri iddia edilən iki nəfərin həbs edildiyini açıqlayıb.Verilən məlumata görə, “Görülən tədbirlər nəticəsində dövlətə xəyanətdə və Azərbaycanda terror-təxribat əməlləri törətməyi planlaşdırmaqda şübhəli bilinən 1980-ci il təvəllüdlü Rəşad Əhməd oğlu Əhmədov saxlanılaraq cinayət məsuliyyətinə cəlb edilib. üçüncü ölkənin ərazisində və Ermənistanın xüsusi xidmət orqanlarının tapşırıqlarını yerinə yetirib. “Müəyyən edilib ki, Rəşad Əhmədov maddi maraq müqabilində məxfi əməkdaşlığa cəlb edilərək Azərbaycan Respublikasının suverenliyinə, ərazi bütövlüyünə, dövlət təhlükəsizliyinə və müdafiə qabiliyyətinə xələl gətirməklə adıçəkilən ölkənin xüsusi xidmət orqanlarının göstərişlərini yerinə yetirib. . Rəşad Əhmədov 1991-ci il təvəllüdlü Rövşən Musa oğlu Əmirov və ona tapşırılmış göstəriş əsasında cəlb etdiyi digər şəxslərlə birgə Azərbaycanda etnik və dini zəmində düşmənçiliyin qızışdırılmasına, dağıdılmasına dair açıq çağırışlardan ibarət videomateriallar hazırlayıb.  Bu videolar Ermənistan xüsusi xidmət orqanları tərəfindən hazırlanıb və onların nəzarəti altında “Youtube” kanallarında və digər sosial şəbəkələrdə Azərbaycan dilində yayılıb. Rəşad Əhmədov Ermənistanın xüsusi xidmət orqanlarının nəzarəti altında etnik separatizm məqsədilə Azərbaycan Respublikası ərazilərinin fraqmentləşdirilmiş təsviri olan 200 saxta xəritənin Azərbaycan vətəndaşları arasında yayılmasını təşkil edib. O, Azərbaycan Cinayət Məcəlləsinin 274-cü (dövlətə xəyanət), 28, 214.1-ci (terrorçuluğa hazırlıq) və 281.3-cü (xarici təşkilatlar və onların nümayəndələri adından dövlət əleyhinə fəaliyyətə açıq çağırışlar etmə), Rövşən Əmirov isə 274-cü maddələri ilə cinayət məsuliyyətinə cəlb edilib. 

Diana