Ruhumuza düşən yağmur damlası

İnsanlar yağmuru niyə sevir? "Bəziləri yağmuru hiss edər, digərləri isə yalnız islanar" cümləsinə aydınlıq gətirək. Yer üzündə fərqli xarakterlərə məxsus insanlar vardır. Bir qisim toplum günəşli, aydın havanı, digər toplum isə tutqun, yağmurlu havanı daha çox tərcih edir. Yağmur yağarkən xoşbəxt olan insanlar da az deyil. Bu insanlara "pluviophile" deyilir. Bu termin yağmurlu havadan zövq alıb, günəşli havanı sevməyən insanlara deyilir. Pluviofillər yağmurdan sonra torpağın islanması ilə ortaya çıxan qoxuya aşiqdirlər. Onlar yağış yağanda buludları seyr edərək özlərini pozitiv hiss etməklə yanaşı, əgər həyatında hansısa problem varsa hər şeyin tezliklə keçəcəyini, uğurun onlardan yana olduğunu söyləyirlər. Bu tip insanlrın həyatda xoşbəxt olması üçün bir neçə amil vardır: özlərini güvənləri tamdır, anın dadını çıxararlar, kədərdən sonra gələn xoşbəxtliyi yaxşı bilərlər. Bir çox insanlar yağış yağanda özlərini çox narahat hiss edirlər. Əlbəttə, evində şəraiti kifayət qədər yaxşı deyilsə, bu onlar üçün minusdur. Digər qrup insan isə yağıçön yağmasından həzz alaraq, saatlarla onu izləyə bilirlər. Yağmur səsi insanlar üçün bir növ terapiyadır. Məşhur türk şair Turgut Uyar belə söyləmişdi: "Yer bizim sevdiklərimizi aldığı üçün belə gözəl qoxur?"...

UMAY