Bildiyimiz kimi bü gün ABŞ prezidenti Co Bayden öncədən elan olunmamış şəkildə paytaxt Kiyevə səfər edib. Zelenski açıqlamasında  Baydenin səfərinin ukraynalılar üçün böyük dəstək olduğunu vurğulayıb. Bu savaşda Ukrayna sadəcə olaraq piyon rolunu oynadı. Bu "Velikaya Rossiya" ilə Qərbin davasıdır.  Müharibənin ildönümü ərəfəsində Bayden Ukraynaya gəlməsi ilə Putinə növbəti mesajını verdi. O Kremlə bildirdi ki, Amerika Ukraynanın məğlub olmasına imkan verməyəcək. Bəzi Avropa ölkələri Ukraynaya hərbi yardım etməkdən imtina ediblər. Belə gərgin dövrdə ABŞ prezidenti Kiyevə gəlməklə Ukraynaya hərbi yardım göstərərək onlar kimi cəsur olmağı işarə etdi. ABŞ-ın bu hərəkəti Rusiyanı daha da həvəsləndirəcək. Onsuz da Rusiya Ukraynanın əhəmiyyətli ərazilərini işğal edib. Baydenin gəlişi ilə Zelenski Ukraynanı ciddi şəkildə əmin etmək istəyir ki, nəticə döyüş meydanında hiss olunacaq. Artıq Putin üçün müharibə indi başlayır. Həmçinin Bayden Ukraynaya 500 milyon dollarlıq yeni hərbi yardım paketini də açıqlayıb. Co Bayden: "Kiyev ayaqdadır, Ukrayna ayaqdadır" fikrini səsləndirməsi əslində ukraynalılar üçün görünür yaxşı olmayacaq. Bu fikirlər rusları şirnikləşdirərək, daha çox itkiyə  yol açmasına gətirib çıxacaq. Hegomonların savaşında hansı tərəfin qalib çıxacağı olduqca maraq doğurur. Bayden açıqlamasında Putin səhv edib fikrini səsləndirib. Rusiyanın buna necə reaksiya verəcəyi isə sual altında olduğu qədər də maraqlıdır...

Xeyransa İsmayıl